Հարցեր պրն. Վարչապետին եւ ԿԳ նախարարին

1)Ինչո՞վ է սահմանափակում հայալեզու դպրոցը իր շրջանավարտի «հաջողակ եւ մրցունակ լինելը Հայաստանում եւ արտերկրներում»: Եթե կան նման սահմափակումներ, ապա ինչպիսի՞ն է Ձեր պատկերացումը նրանց հաղթահարման մեխանիզմները վերաբերյալ:

2)Եթե նպատակը օտար լեզուների ուսուցման բարելավումն է, ապա ինչպե՞ս է նախարարությունը այդ հարցը լուծելու մնացած 99% դպրոցներում:

3)Եթե դա հնարավոր է (իսկ Ֆինլանդիայի եւ այլ երկրների փորձը դրա ապացույցն է ) ապա ինչի համար են պետք օտարալեու դպրոցները:

4)Կառավարությունը բացատրում է է օտարալեզու դպրոցների վերաբացման ծրագրի օգտակարությունը այդ դպրոցների շրջանավարտներին «Հայաստանում եւ արտերկրներում հաջողակ լինելու» ընձեռնած հնարավորությամբ: Բնականաբար, նման հաջողակ աշակերտների օրինակը շատ արագ կստեղծի մեծ պահանջարկ օտարալեզու դպրոցների նկատմամբ: Քանի որ դպրոցների քանաքը սահմափակ կլինի, կառաջանա դժգոհություն եւ ճնշում ուղղված դեպի սահմանափակումների վերացմանը: Այդ խիստ վտանգավոր զարգացումներից խուսափելու միակ միջոցն է որակյալ եւ մրցունակ հայալեզու դպրոցների մատչելի լինելը բոլոր աշակերտների համար մինչեւ օտարալեզու դպրոցների ի հայտ գալը: Արդյոք չեք գտնում որ այս փուլում մենք պետք է բոլոր ռեսուրսները կենտրոնացնենք այս խնդրի շուրջ:

5)Արդյոք կատարվել է նախնական հետազոտություն, որը, համեմատելով օրենքի փոփոխությունից բխող դրական եւ բացասական հետեւանքները, հիմնավորում է այդ օրենսդրական փոփոխությունների նպատակահարմարությունը: Քննարկվե ՞լ է արդյոք այն շահագրգիռ նախարարություններում և այլ պետական գերատեսչություններում: Եթե նման հետազոտություն գոյություն ունի, ապա ինչպե՞ս կարելի է ծանոթանալ այդ հետազոտությանը:

6)Միալեզու կրթությունը նպաստում է հասարակության զարգացմանը, այդ թվում հետեւյալ եղանակներով

ա)ստեղծելով է ընդհանուր ինքնություն, ինչը նպաստում է քաղաքացիական արժանիքների զարգացմանը ու դիրքորոշման արտահայտմանը,

բ)խթանելով հասարակական շարժունությունը բոլոր խավերի համար, ինչը նպաստում է հնարավորությունների հավասարությանը եւ նվազեցնում է մեկուսացումը,

գ)օժանդակում է ժողովրդավարական կշռադատմանը, հեշտացնելով քաղացիական քննարկումները եւ դարձնելով ժողովրդավարությունը ավելի պատասխանատու եւ իմաստավորված,

դ)խուսափելով է կրկնակի ծախսերից, բարձրացնում է արդյունավետությունը եւ հնարավորություն է ընձեռնում ժամանակն եւ ռեսուրսները ուղղել դեպի առաջնահերթ խնդիրների լուծումը:

Որո՞նք են այն այլալեզու դպրոցների առավելությունները, որոնք մեզ թույլ են տալիս անտեսել այս կորուստները:

7)Կառավարությունը օրենքի փոփոխությունների ընդունումից հետո նախատեսում է ստեղծել մի կարգ, որը կկարգավորի դպրոցների ստեղծման եւ գործնեության գործընթաղը: Ճիշտ չէր լինի՞ այդ կարգը մշակել նախապես, եւ հանձնել հանրային քննությանը մինչեւ օրենքում փոձոխություւները առաջ քաշելը:

8)Ինչպե՞ս է հիմնավորվում նման դպրոցների սահմանափակումը մեկ ,այլ ոչ թե ավելի բարձր կամ ցածր տոկոսով:

9)Ինչու՞ է սահմանփակվում է դպրոցների քանաքը, այլ ոչ թե ուսանողների թվականակը (որպես որոշակի տոկոս բոլոր աշակերտների թվաքանակից):